"Мың бала"

2020 жылдың 14 желтоқсанында № 3 Шортанды орта мектебі базасында "Мың бала"ұлттық олимпиадасының қатысушыларын салтанатты марапаттау рәсімі өтті. № 2 Шортанды орта мектебінің 6 сынып оқушылары Сұлтанов Азиз және Мұқаш Ибрагим жеңімпаз дипломдарымен және ноутбуктермен марапатталды. "Мың бала" жобасы өз құрдастарымен табысты бәсекелесе отырып, еліміздің үздік мектептерінде оқуға мүмкіндік беру үшін ауылдық жерлерден 5 және 6 сыныптардың қабілетті оқушыларын жыл сайын анықтауға арналған. Олимпиада 2 кезеңнен тұрады – сырттай және күндізгі.
Бірінші кезеңде ауыл мектептерінің 5 және 6-сыныптарының 5 мың оқушысын ағымдағы оқу жылының 1 және 2-тоқсанының қорытындысы бойынша олардың үлгерім нәтижелері негізінде іріктеу жүзеге асырылады. Екінші кезеңде компьютерлік тестілеу нәтижелері бойынша 1 000 оқушы іріктеледі. Бұл кезеңде біздің оқушылар ең жоғары балл жинады және оларға дарынды балаларға арналған мамандандырылған мектептерде оқыту ұсынылды.