Шортанды аудандық сотына экскурсия

22 қаңтар күні «Заң және тәртіп» айлығы аясында Шортанды кентіндегі КММ «№ 2 жалпы білім беретін мектебінің» 7–9 сынып оқушылары Шортанды аудандық сотына барды.

Оқушылар үшін құқықтық мәдениетті қалыптастыруға және заңға деген құрметті арттыруға бағытталған, кәсіптік бағдар беру сипатындағы танымдық экскурсия ұйымдастырылды.

Экскурсияны Шортанды аудандық сотының төрағасы өткізді. Кездесу барысында оқушыларға соттың қызметі, сот жүйесінің құрылымы, сот төрелігінің негізгі қағидаттары, сондай-ақ судья мен сот процесіне қатысушылардың рөлі туралы мағлұмат берілді. Оқушылар сот отырысы залымен танысып, сот отырыстарының қалай өтетінін білді және өздерін қызықтырған сұрақтарға жауап алды.

Іс-шара барысында кәсіптік бағдар беру мәселелеріне ерекше назар аударылды. Оқушыларға заң саласындағы мамандықтар, болашақ заңгерлерге, судьяларға және сот жүйесі қызметкерлеріне қойылатын талаптар, сондай-ақ құқықтық білімнің күнделікті өмірдегі маңызы туралы айтылды.

Осындай іс-шараларды өткізу оқушылардың дүниетанымын кеңейтіп, құқықтық сауаттылығын арттыруға және болашақ мамандықты саналы түрде таңдауға ықпал етеді.

#adal_azamat
#oqu_agartu_ministrligi
#заң_мен_тәртіп_ақмола
#законипорядокакмола